ਆਤਮਵਿਸ਼ਵਾਸ
ਆਤਮਵਿਸ਼ਵਾਸ਼ ਮਤਲਬ ਹੋਣ 'ਤੇ ਵਿਸ਼ਵਾਸ ਅਤੇ ਕੰਟਰੋਲ । ਸਾਡੇ ਜੀਵਨ 'ਚ ਆਤਮਵਿਸ਼ਵਾਸ਼ ਦਾ ਓਨਾ ਹੀ ਜ਼ਰੂਰੀ ਹੈ, ਜਿੰਨਾ ਕਿਸੇ ਫੁੱਲ 'ਚ ਖੁਸ਼ਬੂ ਦਾ ਹੋਣਾ । ਆਤਮਵਿਸ਼ਵਾਸ ਦੇ ਬਗੈਰ ਜ਼ਿੰਦਗੀ ਇਕ ਜ਼ਿੰਦਾ ਲਾਸ਼ ਦੇ ਸਮਾਨ ਹੋ ਜਾਂਦੀ ਹੈ। ਕੋਈ ਵੀ ਵਿਅਕਤੀ ਕਿੰਨਾ ਵੀ ਹੁਨਰਮੰਦ ਕਿਉਂ ਨਾ ਹੋਵੇ, ਉਹ ਆਤਮ ਵਿਸ਼ਵਾਸ਼ ਤੋਂ ਬਗੈਰ ਕੁੱਝ ਨਹੀਂ ਕਰ ਸਕਦਾ । ਆਤਮਵਿਸ਼ਵਾਸ ਹੀ ਸਫਲਤਾ ਦੀ ਨੀਂਹ ਹੈ । ਆਤਮ ਵਿਸ਼ਵਾਸ ਦੀ ਕਮੀ ਕਾਰਨ ਵਿਅਕਤੀ ਆਪਣੇ ਵੱਲੋਂ ਕੀਤੇ ਗਏ ਕੰਮ 'ਤੇ ਸ਼ੱਕ ਕਰਦਾ ਹੈ । ਆਤਮ ਵਿਸ਼ਵਾਸ਼ ਓਸ ਵਿਅਕਤੀ ਕੋਲ ਹੁੰਦਾ ਹੈ ਜੋ ਖੁਦ ਤੋਂ ਸੰਤੁਸ਼ਟ ਹੁੰਦਾ ਹੈ ਅਤੇ ਜਿਸ ਦੇ ਕੋਲ ਦ੍ਰਿੜ੍ਹ ਇਰਾਦਾ, ਮਿਹਨਤ, ਲਗਨ, ਹੌਸਲਾ ,ਵਚਨਬੱਧਤਾ ਆਦਿ ਸੰਸਕਾਰਾਂ ਦੀ ਸੰਪਤੀ ਹੁੰਦੀ ਹੈ।
ਆਤਮਵਿਸ਼ਵਾਸ ਕਿਵੇਂ ਵਧਾਈਏ
1. ਖੁੱਦ 'ਤੇ ਯਕੀਨ ਰੱਖੋ, ਟੀਚਾ ਬਣਾਓ ਅਤੇ ਉਸ ਨੂੰ ਪੂਰਾ ਕਰਨ ਲਈ ਵਚਨਬੱਧ ਰਹੋ । ਜਦੋਂ ਤੁਸੀਂ ਆਪਣੇ ਵੱਲੋਂ ਬਣਾਏ ਗਏ ਟੀਚੇ ਨੂੰ ਪੂਰਾ ਕਰਦੇ ਹੋ ਤਾਂ ਇਹ ਤੁਹਾਡੇ ਆਤਮਵਿਸ਼ਵਾਸ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ।
2. ਖੁਸ਼ ਰਹੋ, ਖੁਦ ਨੂੰ ਪ੍ਰੇਰਿਤ ਕਰੋ , ਅਸਫਲਤਾਵਾਂ ਤੋਂ ਦੁਖੀ ਨਾ ਹੋਵੇ , ਸਗੋਂ ਉਨ੍ਹਾਂ ਤੋਂ ਕੁਝ ਸਿੱਖੋਂ ਕਿਉਂਕਿ ਅਨੁਭਵ ਹਮੇਸ਼ਾ ਬੁਰੇ ਅਨੁਭਵਾਂ ਤੋਂ ਆਉਂਦਾ ਹੈ।
3. ਸਾਕਾਰਾਤਮਕ ਸੋਚੋ, ਨਿਮਰ ਰਹੋ ਅਤੇ ਦਿਨ ਦੀ ਸ਼ੁਰੂਆਤ ਕਿਸੇ ਚੰਗੇ ਕੰਮ ਨਾਲ ਕਰੋ।
4. ਇਸ ਦੁਨੀਆਂ ਵਿਚ ਨਾਮੁਮਕਿਨ ਕੁਝ ਵੀ ਨਹੀਂ ਹੈ। ਆਤਮਵਿਸ਼ਵਾਸ਼ ਦਾ ਸਭ ਤੋਂ ਵੱਡਾ ਦੁਸ਼ਮਣ ਕਿਸੇ ਵੀ ਕੰਮ ਨੂੰ ਕਰਨ ਵਿੱਚ ਅਸਫ਼ਲ ਹੋਣ ਦਾ ਡਰ ਹੈ ਅਤੇ ਜੇਕਰ ਅਸਫਲ ਹੋਣ ਦੇ ਡਰ ਨੂੰ ਖਤਮ ਕਰਨਾ ਹੈ ਤਾਂ ਉਸ ਕੰਮ ਨੂੰ ਜ਼ਰੂਰ ਕਰੋ, ਜਿਸ ਤੋਂ ਤੁਹਾਨੂੰ ਡਰ ਲਗਦਾ ਹੈ ।
5.ਸੱਚ ਬੋਲੋ, ਈਮਾਨਦਾਰ ਰਹੋ, ਸਿਗਰਟਨੋਸ਼ੀ ਨਾ ਕਰੋ, ਕੁਦਰਤ ਨਾਲ ਜੁੜੋ, ਚੰਗੇ ਕੰਮ ਕਰੋ, ਜ਼ਰੂਰਤਮੰਦਾਂ ਦੀ ਮਦਦ ਕਰੋ ਕਿਉਂਕਿ ਅਜਿਹੇ ਕੰਮ ਜਿਥੇ ਸਾਕਾਰਾਤਮਕ ਸ਼ਕਤੀ ਦਿੰਦੇ ਹਨ ਉਥੇ ਦੂਜੇ ਪਾਸੇ ਗਲਤ ਕੰਮ ਅਤੇ ਬੁਰੀਆਂ ਆਦਤਾਂ ਅਤੇ ਆਤਮਵਿਸ਼ਵਾਸ ਨੂੰ ਤੋੜਦੀਆਂ ਹਨ ।
6. ਉਹ ਕੰਮ ਕਰੋ ਜਿਸ ਸੂਬੇ ਵਿਚ ਤੁਹਾਡੀ ਰੁਚੀ ਹੋਵੇ ਅਤੇ ਕੋਸ਼ਿਸ਼ ਕਰੋ ਕਿ ਆਪਣੇ ਕੈਰੀਅਰ ਨੂੰ ਉਸ ਦਿਸ਼ਾ ਵਿਚ ਅੱਗੇ ਲੈ ਕੇ ਜਾਓ, ਜਿਸ ਵਿਚ ਤੁਹਾਡੀ ਰੁਚੀ ਹੋਵੇ।
7. ਵਰਤਮਾਨ 'ਚ ਜੀਓ,ਸਾਕਾਰਾਤਮਕ ਸੋਚੋ , ਚੰਗੇ ਮਿੱਤਰ ਬਣਾਓ, ਬੱਚਿਆਂ ਨਾਲ ਦੋਸਤੀ ਕਰੋ, ਆਤਮ ਪੜਚੋਲ ਕਰੋ।
Comments
Post a Comment